أمـــواج

تأليف : سالم العالم *

لما تْضيق الدنيا ف عينك ... قولي باهي

لمّا الشوق يزيد حنينك ... قولي باهي

بكرة تحلى بكرة تبقى الدنيا أحلى

قلبي عنك ماهو لاهي .... قولي باهي

قولي باهي ... مهما كان الموقف صعب

قولي باهي ... اْحنا فينا قلوب تحب

خلّي وقت الحزن يقْصر

والهوى جوانا يكبر

بكرة تحلى بكرة تبقى الدنيا أحلى

قلبي عنك ماهو لاهي .... قولي باهي

مش ناسيك قلبي ليك وعنك ما يشغلني شي

نحبك موت بأعلى صوت وعيونك في ليلي ضي

عيشي اللحظة اللّي تفرحنا

ما تخلّي الدنيا تجرحنا

بكرة تحلى بكرة تبقى الدنيا أحلى

قلبي عنك ماهو لاهي .... قولي باهي

_______________

* سالم العالم شاعر ليبي له العديد من الدواوين والقصائد الملحنة.